Rosa Montero traza un mundo fascinante que non deixa de sorprender, cunha potencia narrativa que converteu a Bruna Husky nunha protagonista lexendaria. Inclúe Lágrimas en la lluvia, El peso del corazón, Los tiempos del odio e Animales difíciles.

Lágrimas en la lluvia

Estados Unidos da Terra, Madrid, 2109, aumenta o número de mortes de replicantes que de súpeto enlouquecen. A detective Bruna Husky é contratada para descubrir que hai detrás desta onda de tolemia colectiva nun entorno social cada vez máis inestable. Mentres tanto, unha man anónima transforma o arquivo central de documentación da Terra para modificar a Historia da humanidade.

Agressiva, soa e inadaptada, a detective Bruna Husky vese inmersa nunha trama de alcance mundial mentres se enfronta á constante sospeita de traizón daqueles que se declaran seus aliados coa soa compañía dunha serie de seres marxinados capaces de conservar a razón e a ternura no medio do vértigo da persecución.

El peso del corazón

Contratada para resolver un caso a primeira vista sinxelo, a detective Bruna Husky enfronta unha trama de corrupción internacional que ameaza con desestabilizar o frágil equilibrio entre unha Terra convulsa e a ditadura relixiosa do Reino de Labari. Nun futuro no que a guerra está supostamente erradicada, Bruna loita contra o reloxo pola liberdade e en defensa da vida, mentres asimila os sentimentos contraditorios que lle produce facerse cargo dunha nena pequena. Bruna Husky é unha heroína extrema e fascinante; unha supervivente capaz de todo que se debate entre a fraxilidade e a dureza, entre a autosuficiencia e a desesperada necesidade de agarimo.

El peso del corazón é un thriller, unha novela de aventuras política e ecolóxica, unha historia de fantasía e ciencia ficción, un relato mítico, un conto para adultos, unha reflexión sobre a creación literaria, unha metáfora sobre o peso da vida e a escuridade da morte… ¡E unha historia de amor! Rosa Montero regresa ao mundo fascinante que creou en Lágrimas en la lluvia e sorpréndenos de novo con esa potencia narrativa que converteu a Bruna Husky nunha protagonista lexendaria.

Los tiempos del odio

Independiente, pouco sociable, intuitiva e poderosa, a detective replicante Bruna Husky só ten un punto vulnerable: o seu gran corazón. Cando o inspector Lizard desaparece sen deixar rastro, a detective lánzase a unha busca desesperada e contrarreloxo do policía. A súa investigación lévaa a unha colonia remota de Novos Antigos, unha secta que renega da tecnoloxía, así como a rastrexar as orixes dunha escura trama de poder que se remonta ao século XVI. Mentres tanto, a situación do mundo faise cada vez máis convulsa, a crispación populista aumenta e a guerra civil parece inevitable.
Bruna terá que facer fronte ao seu maior temor, a morte, nunha historia que é un certero e deslumbrante retrato dos tempos nos que vivimos.

Animales difíciles

No Madrid de 2111, a detective Bruna Husky é contratada para investigar un atentado nas instalacións de Eternal, unha gran empresa tecnolóxica. As pistas lévaa ata un xornalista que segue os pasos dun dos asaltantes, pero cando os implicados comezan a desaparecer, a detective e o inspector Lizard veranse atrapados nunha trampa mortal deseñada por unha mente criminal aterradora. Estamos ante unha Bruna Husky que xa non é unha poderosa tecnohumana de combate, senón unha débil androide de cálculo, e que debe afrontar o caso máis perigoso de toda a súa carreira.

Animales difíciles plantea a inconsciencia coa que estamos desenvolvendo unha superintelixencia descoñecida, un poder absoluto, que non sabemos se seremos capaces de controlar e que pode converterse nunha arma definitiva e brutal.

Rosa Montero pecha por todo o alto a serie de Bruna Husky. Espectacular e emocionante, este último caso é un apaixonante quebra-cabezas de tensión crecente e final luminoso sobre o sentido da vida e o destino da Humanidade.